നമ്മുടെ അരുമ മൃഗങ്ങളോട് നമ്മൾക്ക് വലിയ സ്നേഹവും അടുപ്പവും ഒക്കെ ഉണ്ടല്ലോ…അല്ലെ..? ചിലരൊക്കെ സ്വന്തം കുഞ്ഞുങ്ങളെ എന്ന പോലെയാണ് അവരെ കാണുന്നത്. കളിയും ചിരിയും കെട്ടിമറിയലും എല്ലാം ഉണ്ടാകും. അതിപ്പോ പൂച്ച ആകട്ടെ നായ ആകട്ടെ കിളി ആകട്ടെ വേറെ എന്തുമാകട്ടെ. എന്നാൽ അത്രയും അടുത്ത ബന്ധം സൂക്ഷിക്കുമ്പോഴും അവരുമായി പൂർണതോതിൽ സംവദിക്കാൻ നമുക്ക് പറ്റാറില്ല. മൃഗങ്ങളുമായുള്ള മനുഷ്യന്റെ സംസാരത്തിന് തടസ്സം നില്‍ക്കുന്നത് ഭാഷയും ബൗദ്ധികതലത്തിലുള്ള വ്യത്യാസവുമാണ്. എന്നാല്‍ ഇനി മൃഗങ്ങളും മനുഷ്യരും പരസ്പരം സംസാരിക്കുന്ന കാലം വരുമോ. വരുമെന്നാണ് ഗവേഷകര്‍ പറയുന്നത്. ഇതിനായി മാത്രമുള്ള ഒരു എഐ സംവിധാനം ഗവേഷകര്‍ വികസിപ്പിക്കുന്നു. ലാഭേച്ഛയില്ലാതെ പ്രവര്‍ത്തിക്കുന്ന സംഘടനയായ ‘എര്‍ത്ത് സ്പീഷീസി’ന്റെ പ്രോജക്ടാണിത്. മൃഗങ്ങളുടെ ആശയവിനിമയം ഡീകോഡ് ചെയ്യാന്‍ രൂപകല്‍പ്പന ചെയ്ത ആര്‍ട്ടിഫിഷ്യല്‍ ഇന്റലിജന്‍സ് മോഡലായ ‘നേച്ചര്‍എല്‍എം’ പുറത്തിറക്കുകയും ചെയ്തിട്ടുണ്ട്.
മൃഗം സംസാരിക്കുന്നതെന്താണ് തിരിച്ചറിയാന്‍ ഈ നേച്ചര്‍ എല്‍എം സംവിധാനം പ്രാപ്തമാണ്, കൂടാതെ മൃഗത്തിന്റെ പ്രായം പോലുള്ളവയെ മറ്റ് സാന്ദര്‍ഭിക വിശദാംശങ്ങള്‍ക്കൊപ്പം വിശകലനം ചെയ്യുകയും ചെയ്യുന്നു. മനുഷ്യ ഭാഷകള്‍ക്കിടയില്‍ വിവര്‍ത്തനം ചെയ്യുന്ന വൈദഗ്ധ്യത്തിന് പേരുകേട്ട ജനറേറ്റീവ് എഐ സംവിധാനമാണ് മൃഗങ്ങളുടെ ‘ഭാഷകള്‍’ വിവര്‍ത്തനം ചെയ്യാന്‍ പ്രയോജനപ്പെടുത്തുന്നത്.
ആഗോള പ്രശ്നങ്ങളെ അഭിസംബോധന ചെയ്യുന്നതില്‍ എഐയുടെ വര്‍ദ്ധിച്ചുവരുന്ന പങ്ക് പാരിസ്ഥിതിക വെല്ലുവിളികളെ അഭിസംബോധന ചെയ്യുന്നതിനായി എഐ പ്രയോജനപ്പെടുത്തുന്നതിനുള്ള സംവിധാനം പ്രവര്‍ത്തിക്കുന്നുണ്ട്. ഉദാഹരണത്തിന്, മൈക്രോസോഫ്റ്റ് അടുത്തിടെ പുറത്തിറക്കിയ ‘SPARROW’, സൗരോര്‍ജ്ജത്തില്‍ പ്രവര്‍ത്തിക്കുന്ന സെന്‍സറുകളും അക്കോസ്റ്റിക് മോണിറ്ററുകളും ഉപയോഗിച്ച് വിദൂര പ്രദേശങ്ങളിലെ ജൈവവൈവിധ്യം അളക്കാന്‍ രൂപകല്‍പ്പന ചെയ്തിരിക്കുന്ന ഒരു എഐ സംവിധാനമാണ്. കാലാവസ്ഥാ വ്യതിയാനം, ആവാസവ്യവസ്ഥയുടെ നഷ്ടം എന്നിവ പോലുള്ള സമ്മര്‍ദ്ദകരമായ പ്രശ്‌നങ്ങള്‍ കൈകാര്യം ചെയ്യാനുള്ള എഐയുടെ സാധ്യതയെ ഈ മുന്നേറ്റങ്ങള്‍ എടുത്തുകാണിക്കുന്നു.