മോണാലിസയെ വരച്ച ലിയനാർഡോയെ എല്ലാവർക്കും അറിയാം. എന്നാൽ ആ മഹാനായ കലാകാരന്റെ പേരിൽ ഒരു എഐ ഉണ്ടാകുമ്പോൾ ആ പേരിന് അന്വർത്ഥമായ ഗുണങ്ങളും ഉണ്ടാവണം. ഈ ഒരു കാഴ്ചപ്പാടിന് ഒട്ടും കോട്ടം തട്ടാതെയാണ് ലിയനാർഡോ എ ഐ അവതരിച്ചിരിക്കുന്നത്.
വളരെ എളുപ്പത്തിൽ ഉപയോഗിക്കാൻ സഹായകരമായ ഇൻറർഫേസ്, നിരവധിയായ ജനറേഷൻ മോഡലുകൾ, ഹൈ ക്വാളിറ്റിയോടുകൂടിയ ഫോട്ടോ റിയലിസ്റ്റിക് ഇമേജുകൾ എന്നു തുടങ്ങി അനേകം സവിശേഷതകൾ ഉള്ള ലിയനാർഡോയിൽ വ്യത്യസ്തമായ ഫയൽ സൈസുകളിൽ, വ്യത്യസ്തമായ ഇമേജ് മോഡലുകളിൽ ചിത്രങ്ങൾ നിർമ്മിക്കാൻ സാധിക്കും.
ഒരു ഇമെയിൽ ഐഡി ഉപയോഗിച്ച് സൈൻ ഇൻ ചെയ്ത് ഉപയോഗിക്കാൻ സാധിക്കുന്ന വെബ് ടൂൾ ആണ് ലിയനാർഡോ എ ഐ. ഇമേജ് ജനറേറ്റ് ചെയ്യാൻ ദിവസേന 150 ടോക്കണുകൾ ഫ്രീയായി ലഭിക്കുന്നു എന്നതും ലിയനാർഡോ എ ഐ വ്യത്യസ്തനാക്കുന്നു. ലളിതമായ പ്രോംപ്റ്റുകൾക്ക് വരെ മനോഹരമായ ചിത്രങ്ങൾ നിർമ്മിക്കാൻ സാധിക്കും എന്നത് എടുത്തു പറയേണ്ട സവിശേഷതയാണ്. ഒപ്പം ചിത്രത്തിൽ ഒഴിവാക്കേണ്ട കാര്യങ്ങൾ പറയാനുള്ള നെഗറ്റീവ് പ്രോംപ്റ്റ് സൗകര്യവും ഇതിലുണ്ട്. പ്രോംപ്റ്റിനെ സപ്പോർട്ട് ചെയ്യാൻ നിരവധിയായ മോഡലുകൾ, ഇമേജ് സ്റ്റൈലുകൾ എന്നിവയും ലിയനാർഡോയുടെ മാറ്റുകൂട്ടുന്നു.
ഇമേജ് ജനറേഷനോടൊപ്പം സ്കെച്ചുകൾ റിയൽ ടൈമിൽ വരയ്ക്കുന്ന റിയൽ ടൈം ക്യാൻവാസ്, ജനറേറ്റ് ചെയ്ത ഇമേജുകളെ നമ്മുടെ ആവശ്യാനുസരണം മാറ്റം വരുത്താനും എഡിറ്റ് ചെയ്യാനും സഹായിക്കുന്ന ക്യാൻവാസ് എഡിറ്റർ, ഒപ്പം ഇമേജുകളെ വീഡിയോ ആക്കി മാറ്റുന്ന മോഷൻ തുടങ്ങിയ അഡ്വാൻസ് ഓപ്ഷനുകളും ലിയനാർഡോയുടെ മാത്രം പ്രത്യേകതയാണ്. എ ഐ ഇമേജ് ജനറേഷൻ സാധ്യതകളുടെ ഒരു കലവറ തന്നെയാണ് ലിയനാർഡോ എ ഐ.